शाकाहारी
अनेक लोक वेगवेगळी व्रतवैकल्ये करतात, फक्त शुध्द शाकाहारच घेतात. देवाची कडक उपासना करतात. पण बोलताना त्यांच्या प्रत्येक शब्दात विखार भरलेला असतो! दिवसभर अनेकांशी ते कटू व शिवराळ भाषेत बोलत असतात. आपल्या बोलण्याने अनेक जित्याजागत्या माणसांची मने दुखावण्यात त्यांना असुरी आनंद मिळतो. अशाच प्रकारचे अनेक लोक सकाळी सोवळ्यातली साग्रसंगीत पूजा करतात आपण चिटपाखराला सुध्दा दुखावत नाही, शुध्द शाकाहारी आहोत असे टिमकी वाजवतात पण नोकरी /व्यवसायाच्या ठिकाणी गोरगरीब जनतेला लुबाडतात, भ्रष्ट मार्गाने पैसा मिळवतात.दिवसभर लोकाना वेठीला धरून अप्रत्यक्षपणे लोकांचे रक्त पिणाऱ्या अशा लोकाना शाकाहारी म्हणायचे का?
.......प्रल्हाद दुधाळ.
No comments:
Post a Comment